A dive leiin Robben in ngaidam an hni.

Netherland winger Arjen Robben chun zani zana Mexico 2-1 a an hne ţum khan penalty hlawsuokna dingin a dive ngei thu hrilin ngaidam an hni nghal a. Ana chu hun tawp tawm 93mins a penalty a hlawsuok kha chu ani naw thu a hril.

Kha match a khan hun tawp tawma Klaas Jan Huntelaar in penalty anthawk goal a thun hma khan Robben hin vawihni lai penalty appeal a lo nei a. Sienkhawm referee chun a pek naw a, khang hai kha penalty hlawsuok a nuom lei a tlu tehleh (dive) ani thu hrilin ngaidam an hni.

Inkhel zo ah Robben chun " Ngaidam kan hni takzet a nih. Hun tawp tawma mi kha chu tluk der (dive) an naw a. Ana chu 1st half a mi hai kha chu tluk der a nih. Ka thaw naw ding ka thaw nih" tiin a hril.

Hieng hin ti dei inla, 1st half a Robben penalty appeal hai kha dive a lo ni khawmin thu hran ni raw se. Hun tawp tawma mi khawm kha dive tho an naw maw. . . . ? Robben hi hrem an lau leia ngaidam inhni mei mei ani thei ding am..? Hun tawp tawma mi nek hmanin a penalty appeal hmasatak khawm kha a awm lem

niin an lang, pek ding ani rau rau chun.

Hun tawp tawma mi kha Replay ei en chienga contact a um naw ti dinga inthem si ti ang cho a nih. Ana chu foul chu ang tak si chu a ni tho. Khang ang hun khir khan laia chawplechila thutlukna siem a ngai a, referee thutlukna khawm kha kawngkhat ngaituo chun a awm ve tho.

hi hi a awm lem naw maw.... ?

Iengkhawm nisien dive chieng players hai hi chu football suk hmelhem tu an ni rawp hlak. Player ropui ruok chun football ropuitak hi a suk hmingţha tu le suk ropui nawk zuol tu anni lem.

hi khawm hi pek ding ani rau rau chun a awm lem.

Julio Cesar in Chile lakah Brazil sanhim in World Cup Quarter final a lutpui.

World Cup second round game hmasatak chu khel zo ani ta a. A mikhuoltu Brazil le Chile haiin game hmunuom um em em khelin hun pangaiah 1-1 in anin hnetawka. Penalty shoot out hamangin Brazil chun Chile 3-2 a hnein quarter final anin hlangkai. Penalty shoot out a hin Brazil goal nghaktu Julio Cesar in ropuitakin vawihni la a save.

Hi match a hin attacking game hmunuom um tak ei hmu a. Chile hai an khelţha in Brazil an barakhai teu hle a. A hratlem khawm ni hai sien phu chu inti ve hlengtan tih. Chuong lai zingin Brazil game khawm a fuka, a biktakin Hulk a ţangkaiin a khelţha takzet. Neymar khawm nidang angin goal thun naw sienkhawm a khelţha a,ball a chang chun danger area ani nghal zat zat. Chun penalty shoot out a, a tawpna taka a goal thun kha a pawimaw takzet.

Inkhel anţana, team pahni hai an phur tlanga game khawm an rang nghal. Anin nawr pawp pawp nghala, half chance khawm an pahni hni in an nei nuol. 18mins ah corner anthawk Brazil in goal an hung thun nghal. Neymar corner pet chu Thiago Silva in a lo head piel a, far post ah Jara le David Luiz bulah hun vuong pheiin David Luiz chun hnaite ah Jara hnung anthawk goal a thun. Hi goal hi replay a an lang dan chun David Luiz hin Jara ke hnung anthawk Jara ke hmangin a dang lut niin an lang (own goal ti thei chu a nih). Sienkhawm official takin David Luiz goal thun anih.

Chile khawmin hung nawr let ve nghalin ball possession khawm an nei rawn hle. Sanchez a khelţha in Brazil defender hai a chawkbuoi thei hle. 32mins ah Edu Vargas in box sungah vengtu neilo Sanchez a peka, ama hin hnaite anthawk goal thunin 1-1 in half time ah anin hnetawk.

2nd half an ţha a Chile an khelţha in Brazil an chebuoi deu a. Ana chu a tu tieng tieng khawmin goal danger ang chi chu an nei lawm nawh. 55mins ah Brazil chun counter attack ang deu anthawkin an nawr a, Hulk chun goal a thuna chu hand ball leiin pawm an nawh.

65mins ah Isla, Vidal le Aranguiz haiin mawi em em in Brazil defence an ţhieka. Hnaite ah Aranguiz goal shot ţhatak chu Cesar in ropuitakin a lo save. 74mins ah Brazil striker Jo in chance tha ane a hmang tangkai thei nawh. 80mins a hungin her suoka Brazil in ball an hung chang rawn nawk deu a, Chile in defensive game an khelţan. 84mins a Hulk shot thatak chu Bravo in a lo save. Goal lut um ta loin hun pangai a tawp.

Extra time an khel a, Chile haiin goal venghim an ngaipawimaw lem ta a. Brazil in an nawr vieu a half chance ang deu an nei zeu zeu a chu chance thatak anin siemthei bik nawh. Goal um loin extra time 1st half a tawp.

2nd half a khawm Brazil bawk an chunghnung lem a. Chile haiin an goal ruok chu an venghim thei. Brazil hin an nawr taluona lamah hun tawp tawmin counter attack anthawkin Chile in goal anthun teu hle. 120mins ah Sanchez in Pinilla a peka, box sung charah dang ruol loin goal a shot a, goal chungkhang a deng per pawp. World Cup anthawk Brazil pet dawkin an um teu hle. Goal lut um chuong loin 2nd half extra time khawm a tawpa. Penalty shoot out a a hratlem ding an zawng ta a nih.

Penalty shoot out a hin Chile tieng Mauricio Pinilla, Alexis Sánchez le Gonzalo Jara haiin goal an thun naw a. Brazil tieng Willian le Hulk in goal an thun naw ve bawk. Brazil chun 3-2 in penalty shoot out ah hnena an chang.

Netherland chun huntawp tawmah Mexico lethal in quarter final an lut

Louis van Gaal a pawl hai Netherland chun Mexico 2-1 a lethal in hun tawp tawmah goal 2 thunin World Cup quarter final anin hlangkai a. World Cup khel mekah hne naw nei loin anla fetluong pei.

Hi match a hin Mexico hi an chunghnung lem a. Quarter final lut lem dinga anin lang laiin hun tawp tawmah goal 2 anin suo hlo a, a vangduoi ah anţhang lem ta a nih. Mexico ta dingin 2nd half bultieng Dos Santos in goal a thun a. Hi goal hi hun tawp tawmah Netherland chun Sneijder hmangin an sut a, 90+4 mins ah Netherland bawkin Klaas-Jan Huntelaar hmangin sawisel theitak penalty anthawk goal thunin hnena an chang ta a nih.

Mexico hi defensive game khel tum ni hai sienkhawm inkhel ţan ani anthawkim an nawr nghala Netherland an che buoi hman teu hle. A tu tu khawmin chance an nei el naw a 17mins ah Herrera chun Mexico chance hmasatak ang a nei a chu goal zawnah a pet nawh. Netherland khawm tlawmin an game a hungin kang meta chu chance an neithei bik nawh. 33 mins ah A vawikhatna dingin World Cup ah official takin ' cooling break nei ani a. Player hai chu insuk deina hun 3mins pek an nih. An khelna Fortaleza hi a lum hle a, 38.8°C lai ania, humidity khawm 66% lai ani bawk. Inkhel an ţan nawka, Mexico bawk an chunghnung lema chu goal lut um loin 1st half a tawp.

2nd half an ţan cho ti ah 48mins ah 30yards anthawkin Dos Santos in goal ropui a thun a, Vawitieng kil sir ah keeper dang ruol loin a pet goal nal hle. Mexico chun 1-0 in hma anţhuoi. Hi zo hin Netherland chun goal thun ve ngei tumin an nawr a chu chance an nei thei naw hle. 57mins ah Robben chun chance tha neiin Ochoa chu ţhatakin a lo save.

Netherland chun nawr sunzawm zingin hun hmasa tieng nekin chance khawm an nei nuola. Ana chu Ochoa le Mexico defender hai an paltlang thei nawh. 77mins ah kheltha bek lo V. Persie chu Klaas-Jan Huntelaar in a hung thlaka an game khawmin hma a sawn deu. Hi hma char hin cooling break an nei nawk. 88mins ah Robben corner pet chu Klaas-Jan Huntelaar in hnungtieng a head kira, hi ball hi Sneijder chun inhnuoite in box sung charah a hlap phei a, a goal nal hle. Mexico keeper thiem em em Ochoa khawm a che hman nawh.

Anin draw el dinga an lang laiin 90+4mins ah Robben chu box sungah Marquez in a sukthlu a, referee chun penalty a pek. Hi thutlukna hi sawisel theitak anih. Replay a anlang dan chun Robben ke le Marquez ke kha contact chu a um ngeia, sienkhawm tlukna tham an naw niin an lang. Penalty anthawkin Klaas-Jan Huntelaar chun goal thunin Netherland chun goal an bat zet hnungin Mexico an lethal a. World Cup quarter final anin hlangkai.

Khawvel football superstar thar James Rodriguez?

Messi le Ronaldo chu sel ruol loin khawvel football superstar an ni ti ei pawm seng ring aum. Sienkhawm an kum hai hung tam ve mekin kum 30 tieng an hung hnei mek ta a. Tuta inthawka kum 10 sunga football khawvel sukmawitu ding ei mel ţan thei tah.

Zani zana Maracana stadium suk hning uoi uoi tu kha zawng ding ni inla chu tudang ni naw nih. Colombia duotlai James Rodriguez ngei hi a nih.

Kum 22 mi cho James Rodriguez hi tournament ţan ani hma khawm khan mi mit fukna a lo ni ta renga. Zanizana a goal ropui thun pahni hai lei khan khawvel mit a chungah a fu naw thei nawh. A goal thun hmasak mawl kha a nih a ropui em em chu. Khang ang volley kha khawvel keeper a dangthei um ngai naw ni haia. Tu chena World Cup goal thunah chu a lo mawitak el naw ding manih. A goal 2 na kha chu team work ropuitak ei hmu hnunga goal a thun ani a, striker indiktak hai goal thun dang ang ani leiin a nep chuong bawk nawh. Colombia in Uruguay hne a, quarter final ah Brazil an tum theina san chu ama lei ani ei ti naw thei nawh.

Kum 2 liem ta khan James Rodriguez chungah lu huotna ding a um met a. Monaco in ama laklut na dinga £37 million lai an thesuok kha a nih. Sienkhawm tun chu iengkim a chieng tain lu khawm an thak ring a um ta nawh.

Tukum World Cup ah number 10 pek niin a hming hmasa lem JAMES (Ham-ez tia lam ding) ziek a thlang lema. Inhliem Falcao um naw kar an ram innghatna ani der tah. Group stage a po po goal la thun vawngin game 4 ah goal 5 lai a thun ta a. Player dang game tina goal la thun thei umsun chu MESSI char a nih. Neymar, Messi, Muller hai le Golden Boots dawng dingin anin el ding a nih.

Tu zet hin chu Europe club lien po po, Premier League laipui lien hai ţhangin an dit vawng ding an tah. World Cup zo a chu chanchin a nei lien ngei ring a um ta hle.

Diego Godin goal hmangin kimlo a khel Italy chu hnein last 16 Uruguay chun an lut

Natal ah World Cup group D match pawimaw takel Italy le Uruguay haiin an khel a. Uruguay chun hun tawp tawma Diego Godin goal thun hmangin Italy 1- in an hne a. World Cup round of 16 chu runners up niin an lut.

Italy hi inkhel hma chun beisei kai lem an ni a. A san chu an ta dingin round of 16 lutna dingin draw cho khawm a huntawk a, bakah players en khawmin Uruguay nek chun an chunghnung lema ngai an ni bawk. Sienkhawm anin khel a, beisei kai lo lem chu dingchang lemin Uruguay in hnena an chang ta a nih.

Hi match a hin thiltlung langsar tak pakhat a um a. Chu chu tudang ni loin Suarez ngei a nih. Ni dana a lo thaw dan pangaiin Italian defender Chiellini chu a dar bul lai a SE nawk a. Ana chu referee in a hmu naw ni ngei a tih, iengtin khawm a law nawh. Iemani ti a FIFA damin an la hung hrem ani ding chun a chungthu hi a zangkhai lawm ring aum nawh.

A match hrim hrim khawm hin beisei a phak naw a. A tawptieng game umdan a dang ti met naw chu game hmunuom um ti a hril ding chu an nawh. Inkhel an ţan a, team pahni hai hi anin ţi tawn deu niin an langa. Italy in draw pawi ti loin an khel a, chu lai zing chun Uruguay khawmin a pawng a puiin an nawr el ngam bik nawh. Uruguay in chance nei hmasa lemin 5mins ah Buffon a va sukbuoi zeu a, chu iengtak an tlun hman nawh. Hi zo 11mins ah Pirlo chun free kick anthawkin goal a thun ţep a. Keeper in a lo namsuok thei hram. 33mins ah Suarez shot Buffon kut a deng kha chu Uruguay fans hai chun inpam hleng an tih. Hi zo hin team pahni hai hi anin nawr tawn deu zak zak a, half chance an nei zeu zeu ve ve ti bak chu 1st half a hin chance ţha ti a hril ding a vang hle. Midfield a hin Pirlo le a pawl hai hi Uruguay in an phak naw deu niin an lang. Goal um loin 1st half a tawp.

2nd half bultieng hin Italy an hung khelţha a. Chance tha ruok chu an nei thei bik nawh. Uruguay khawmin hung nawr let ve nawkin half chance ang reng chu an nei zeu zeu. 60mins ah Marchisio chun ball a chang lai ţuollo takin Arevalo ke a sir a, red card peka hnawtsuok a nih. Kimlo a khel Italy chu hung chebuoi ţanin Uruguay in an nawr takzet ve ta a. Half chance khawm an nei nawk nuol a chu goal an thun thei bik nawh. 79mins ah thil tlung langsar tak a um. Chu chu Suarez in Chiellini dar a se chu a nih. Chiellini hi referee kuomah fein an entir nghe nghe. Anin hnetawk el dinga an lang ta hnungin 81mins ah Godin chun corner anthawk head goal in 1-0 in Uruguay chun hma anţhuoi.

Italy chun goal thun ngei tumin an nawr let nawka. A kimlo a khel an ni hmel khawm an langnaw deu thaw nih. An nawr nasa talu luot lamah Uruguay chun counter attack anthawk beiletin Suarez khawmin clear chance a ţhel. Hun a liem duok duok a, 5mins an bel hnung chen khawmin an nawr a chu a pawimaw tak goal thun thei ta loin Uruguay in hnena an chang lem tah.

Argentina hratna Messi

FIFA World Cup group F inkhelna hmasatakNA vawituk dar 3:30 a.m.khan Rio de Janeiro khawpui-ah Argentina le Bosnia Herzegovina haiin an nei a. Hi inkhel a hin ring ang ngeiin Argentina chun hratna changin Group F ah hma an lo ṭhuoi tah a nih. Bosnia Herzegovina hai hi WC an khel phutna a ni leiin an chinchang Argentina hai hin an lo la hriet naw hle a, amiruokchu football chu game a ni ang hrimin a zaiin an hung her let tah a nih.

Inkhel ṭan a ni a inthawk an innawrtuo nghal ve ve a, minute thumna chun Argentina in free-kick hmuin Messi in a pet a, Aguero chu chite lo head thawi luotin Bosnia player Kolasinac chun an goal ah a pal lut pal hlau a, Argentina chun goal khatin hma an ṭhuoi. Inkhel sunzawm a ni pei a, Argentina tieng hi an nuom angin an che hlei thei nawh a, Bosnia midfield a khawng hle leiin Messi khawm pathum pali ngawtin an chep leiin a che thei rak nawh. Chuong ang bawkin Argentina defence khawm a khawng ve hle a, Bosnia striker Edin Dzeko khawm chance a hmu thei meu nawh. First half sung hin goal dang  a lut sap ta nawh a, Bosnia tiengin first half sung na na na chu inkhel an thunun lem a nih.

2nd half ṭan a ni meu chu Argentina game a dang zei el tah. Nasataka insiem ṭha in, Maxi Rodriguez aiin Napoli striker Gonzalo Higuain a hung lut a, Di Maria, Aguero, Messi le Higuain hai chun Bosnia hai an nawr ta chur chur el a nih. Chuonga an nawr ta phing chun an dit le an beisei tak goal ngei chu minute 65 naah Messi chu mawi takin a ban deng ngeiin a zuk thun chu Argentina fans po po an inphu seu suou el a nih. Argentina fans hai phuhlum ang el a in umtirtu Messi hin kum 2006 World Cup ah goal kha tuhin sunzawm nawkin, World Cup ah a goal thun po po chu goal hni a ni ve tah.

Bosnia tieng hai an inthlada el bik nawh a, insiemrem tumin an bei let ve nghal a. Amoruokchu goal hni zeta hmaṭhuoitu Argentina an huoi tul tul ta phing chun Bosnia hai ta dingin defence sukphui a pawimaw ta lem a. Argentina in an nawr nasa rapthlak el bawk si! Goal thunna hunṭha an nei ve zau zau a, amiruokchu an hmangṭangkai zo nawh a. Hun tawp tawm phet chun Bosnia tiengin ai-kuo-tawp ṭhang thawin, minute 85 naah Ibisevic hmangin goal khat an hung thun ve a, Argentina in goal khat chauin hma an ṭhuoi tah. Tulai hnai Argentina hin hun tawp tawma goal insuo an ching thar chu lungrilin an vawng kar leiin, Argentina tiengin an defence sukphuina sin chu an thaw nasa lem a, counter-attack hmangin Messi, Aguero le Higuain hai chau chu an inthlasuok a, a dang po chu defence tieng an inhnawtawm tir a nih. Hun tawp chenin goal lut sap um ta lo chun Argentina chun 2-1 in Bosnia & Herzegovina hai chu hne banin Group F ah hma an lo ṭhuoi der tah.

ARGENTINA 2-1 BOSNIA & HERZEGOVINA

Scorers:Kolasinac 3' (OG) , Messi 65', Ibisevic 85'

Stats	Argentina	Bosnia
Shots (on goal)	12 (5)	16 (11)
Fouls	10	14
Corner Kicks	2	6
Offsides	0	3
Possession	59%	41%
Yellow Cards	1	1
Red Cards	0	0
Saves	5	1

Italy lakah England an tlawm

Italy lakah England an tlawm

World Cup group D match inkhel ah Europe rambung a World Cup vawi  li lai lo la thei tah Italy le kum 1966 kum a champion England hai chu an innuoi a. Hi inkhel a hin a tu tieng tieng a inthawk khawmin chance an nei nuol nghal a. Italy ta dingin Marchisio chun mawi takin minute 35 naa goal a hung thun ta nul el. England fans hai an thla a phang tak tak hman nawna dingin Liverpool striker Daniel Sturridge chun minute 37 naa England goal bat chu a sut ve nghal a. Inkhel boruok a thlak danglam nawk zat nghal a nih. Goal thun tumin an innawr v eve a, amiruokchu first half sung hin goal thun thei an um ta nawh.

 

2^nd half ṭan a nih a, june ni 10 a a ngaizawngnu Birthday ni tak a innei ding a thlem tlu tu Mario Balotelli chun ngaizawngnu ta ding lieu lieu chun minute 50 naa Italy hmaṭhuoitu goal dingin mawi takin a head lut a. A chang chavai hmu nuom a um rek ie! England tieng hin ball chang tlawm lem hai sienkhawm goal shots vawi 18 zet neiin target ah vawi 5 zet an shot fuk a, Italy hin goal shot vawi 13 chau an nei a , vawi 4 target ah an shot fuk a, vawi hni a lut a nih. Hi inkhel a hin England in  corner vawi 9 lai an hmu a, Italy ruok chun vawi 2 chau an hmu thei a nih.England in an nawr nasa hle a, Rooney in  chance ṭha zet a hmu a sukriral a, Italy tieng khawmin hun tawm tawmin Pirlo free-kick a inthawk an thun nawk teu hle!

Group D inkhel pakhat lem a Costa Rica chun mak danglam takin Uruguay chu 3-1 laiin an hne a nih.

 

FIFA WC Group D full time scored result:

Uruguay 1 - 3 Costa Rica
24’ Edinson Cavani (penalty)
54’ Joel Campbell
57’ Oscar Duarte
84’ Marcos Ureña

England 1 - 2 Italy
34' Claudio Marchisio
38' Daniel Sturridge
49' Mario Balotelli

Group C ah Colombia khawmin an khingpui Greece hai  3-o in an sawp.

Colombia 3—0 Greece
(Pablo Armero 5' Teofilo Gutierrez 58' James Rodriguez 90+

Netherland hma ah Spain dawl zawrin an zawr dawk.

Spain 1-5 Netherland

(Alonso 27(P) — (R.V Persie 44', 71' Robben 51' 79',Virj 63')

2010 World Cup final re-match ei hmu nawka. Ana chu tuta ţum chu a dan a dang ta hle. Group B match hmunuom um taka hi Spain le Netherland haiin an khela. Netherland chun Champion lai an ni ti theinghilin Spain chu 5 -1 in ansawp.

Hieng team pahni hai hi chu iengtik lai khawm team ţha an ni a. Tuta World Cup fe meka khawm hin Champion dinga beiseium pawl tak khawm an ni hrim a nih. Team ţha ve ve inkhel an ni leiin tukhawmin hieng ang result hi beisei naw reng reng an tih. Ana chu football ani tlat si, iengkim an leng vawng hi a hmunuom na tak chu a nih.

Boruok insangtak hnuoiah inkhel an ţan a. Dan pangaiin Spain in ball an chang rawn lem nghal. A tu tu tieng khawmin half chance ang deu chu an nei nuol ve ve. Spain striker Diego Costa chu lone striker angin a um a. Ball a chang zatin home fans haiin an 'boo' nasa thei hle. Louis van Gaal in Spain tactic hriein goal venghim a ngaipawimaw hle a. A formation khawm 5-3-2 in a hung rem a nih.

Inkhel ţan ani anthawk 27 na ah Spain chun Alonso penalty hmangin 1-0 in hma anţhuoi. Stefan de Vrij chun Costa box sungah a sukthluka penalty a chawi a nih. Hi zo khawm hin Spain bawkin game an thunum lema ana chu goal chance ruok chu an neithei bik ta nawh. Goal dang lut loin 1st half a tawp dinga an lang laiin 44 mins ah Daley Blind chun centre line pel met anthawkin crossing ropuitak a peka. Hi crossing hi Dutch captain Van Persie chun mawi em emin lo head lut in 1-1 in 1st half ah anin hnetawk.

2nd half ah Goal a sur:

2nd half an ţan a, inkhel boruok a dang ta hle. Netherland an khelţha deu deu a, Spain game a mumal naw deu deu. 53 mins ah Daley Blind bawkin Robben ta dingin through ball a peka, Robben chun mawitakin a ke vawitiengin a lo lakthla a. Pique a hlem hnungin hnaite ah Ramose in a hung dang hmain a peta. A goal chieng hle.

Netherland game a fuk ta hle a, game khawm an thunun hne ta hle. Spain players hai an che buoi a, ball khawm anin pass hleithei ta nawh. 60mins ah V. Persie in box sirtieng anthawk goal chungkhang an dengtir dawt bawk. Spain hin Costa lasuokin Torres anin lut tira chu umzie a um nawh.

Hi zo 64 mins ah Sneijder free kick anthawk Stefan de Vrij chun hnaite ah a head goal nawka 3-1 in hma anthuoi. 72mins ah Casillas pet dawk suol chu V. Persie in a hung nang chil a, goal a thun chieng nawk hle. Netherland hin game an thunun sunzawm zinga 80mins ah through ball hung a hnawt luta, Ramos le Pique'n an hnawt phak naw hle. Casillas hlem nawkin goal a thun nawka 5-1 in hma anthuoi. Hi zo khawm hin Robben chun chance tha a nei a chu Casillas in a lo save hram. Hun tawptawmin Torres in goal thuntheina hunţha tak a nei ve hlau a, ana chu hau takin a ţhel. Hun a tawp meu chu Netherland 5-1 in hnena an chang.

Inkhel kha ei thlir a, Spain players hai kha a bikin 2nd half a khan an chau ta hle niin an langa. Iengkima Netherland players hai an phak naw ani tak. An khel dan style "tiki tak" hi players tha le coach tha hai hin an hriet hne vieu ta khawm nisien a hawi. Champion lai hi muolpho takin World Cup a hin sawisak an nel dim maw. . . . Iengkawm nisien game khat cho a la ni a. An quality ţhatzie chu ei hriet seng. A nawka an game khel ding hmunuom um hleng a tih. An coach khawmin players a siksawi nuol ring a um.

Man of the match - Van Persie

HTS WORLD CUP PREDICTION TABLE

Hming ------------------------ Points

1st,
Ngamlawmsang Joute -------15
Dnaiel Lalchamthang Kungate--------15

2nd
Lawmman pahnina dawngtu:
Lalthuoisang Hmar -----------12
Luiz Songate -----------------12

3rd,
Sid Jo Loric Khojol-----------9
Rorellien Hrangchal Chalngeng-------9
Chelsea Cfc Hmar------------9
Kristy Jahau--------------9

David Songate ----------9
Emmanuel Vankal -------------9
Rose Tete Hmar -----------9
Ri Ri Inbuon---------9
Cullen Pudai's--------------------9

4th, Lucy Rampui --------------6

Zarzosang Singson -----------6
LS Tuolor Tuolor Hmar----------6
Florence Darngawn-----------6
Lydia Simte------------------6
Selina R Infimate-------------6
Ozias Sungre----------------6
ElTe M Hmar-------------------6
Bul Khawbung-----------6
Mark Hrangneikhum------------6
Elvis Buonhmingthang Inbuon ----------6
Jim Tuolor -----------------6
Kim Kim Khawzawl -----------6
Timothy Lungtau Nungate -------6
Eldad Riengsete ------------6
Debora Lungmuanpuii Saihmang--------6
Freddy Khawbung Ryann Ziosky---------6


5th
Ramngaizuol Songate ----------3
Florance L Joute ------------3
MaAng Sing Soon ------------3
Lalditum Hmar Hmar ---------3
El-el Puruolte Hmar ----------3
Tlanghrietthang Sinate ---------3
Dawnald Ng ---------------3
Rolawmum Joute Hmar -------3
Neii Hmar Infimate --------3 
Kenneth Hrangchal --------3
Ramhluothang Inbuon ------3
Lalnuntluong Zote ----------3
Tc Keivom --------------3
HT Sanga Chawnsiem -----3
Puinu Parate Hmar ----------3
Leumas Inbuon -----------3
Joshua V Ralsun -----------3
Joshua Lalkienthang Songate ---------3
Hermonthang Ralsun ----------3
Tmuan Singson ------------3
Alex's R Hmar Tuolor---------3
Ephraim Lyker's Varte-----------3
Bronson Hmar-----------3
Johan H. Hrangate---------3
Evan Lungtau-----------------3
Hmangaisang Songate--------3
Josh Ralsun Hmar----------3
Joshua Genji Chaplin----------3
Lallawmum Joute-------------3
Josef Zote------------------3
Anthony Buongpui------------3
Ndrew Joute------------3
Michel Hmar----------------3
Dara Ralsun Hmar------------3
Isteria Black Lungtau---------3
Boinu Misuolnu Hrangkhawl-----------3
Jeho Ba K B-------------3
Hrangtinkim Zote-----------3
Ramlawmsang Hmar-----------3
Siem Lungtau Mihriemate----------3
Tlanghriet Thang Hmar-------3
De Gea L Inbuonpa---------------3
Lalthuoisang Faiheng Vankal--------3
Stephen Motionless Amo--------------3
Michael Fimliensang Fimate----------3
Mories Rpa--------------3
 Dirent Kan Kans----------3
Emmam Pulamte Leiri Hmar------------3
John Pena-----------3
Jeho Ba K B------------3
Joshua Lallienthang Songate----------3
MeSanga Singson------------3
Vanlalsiem Zote---------3
Lallawmsang Infimate--------3
Zakari Hmar---------------3
Nemneilhing Kipgen------------3
Billy Schneider Hmar--------3
Samsung Khawbung------------3
Mawii Varte------------------3 
Ambuja Hmar Lungtau-----------3
Jacob Lalnunthleng Pulamte--------------3
Leo Richard Seventh---------3
James Vualnam-------------3
Ramhluo Thang Inbuon----------3
Deyvid Muller-------------3
Thang Vaiphei--------------3
Goupu Thiek Hmar---------3
Rex Sellaz Selate------------3

Brazil vs Croatia (Thlirlawkna)

Managers:

Luiz Felipe Scolari(Brazil)

Niko Kovac( Croatia)

Brazil thiempuipa Neia Hmar chu a dam fel hman a, Scolari hin 4-2-3-1 in a khelmi hai remkhawm a tih. Hulk, Neymar, Oscar hai hma a Fred a khatin lone striker in um a tih.

Croatia hai striker song tawlawi Mario Mandzukic chu play-off Iceland le an nei ṭum khan red card a hmu leiin vawizan a khel thei naw ding a nih.

Head-to-head record:

Vawihni chie world cup ah an lan tawng a, Brazil vawikhat an hrat a, vawikhat an inhnetawk.

Opta stats:

*Brazil  haiin an khawmuolpui a opening ,atch an khelna ah an hrat naw nuhnung tak ṭum chu kum 1950 laia Mexico laka 4-0 ah an tlawm ti chau kha a la nih.

*Selecao hai hin World Cup ah sulhnung an nei ṭha tak a, vawi 67 lai zet hratna an chang a, goal 210 zet an thun tah a, record nei ṭha tak an nih.

*Brazil hai hin  world  cup group match an khel nuhnung vawi 9 hai a khan vawi 8 hratin vawikhat draw an nei. Group match a an hratnaw nuhnung takna chu June ni 23, kum 1998 lai a Norway lak a 2-1 a an tlawm kha a ni tah.

*Croatia hai hin world cup match an khel nuhnung vawi  13 hai a khan goal 11 chau an insuo a, record ṭha tak a nih.

*Croatia haiin world cup match an khel nuhnung vawi 9 haia khan red crad hmu mi 6 zet an um!!

*World cup a Brazil le Croatia an khel nuhnung tak ṭum chu kum 2006 kum kha niin Kaka goal thunin Berlin khawpui a Brazil in hratna an channg a nih.

Player to watch:

Neia Hmr(Brazil)

Mateo Kovacic (Croatia)