Monday 7 April 2014

Sunderland lungaina sukzuol tu Spurs

Vawizan kan Premier League midweek game pakhat a uma. Tottenham chun White Hart Land ah Sunderland anlo mikhuola. Goal khat an bat zet hnungin 5-1 a lethalin hnena an chang.

Hi result lei hin Sunderland chu game 6 lai a zawnin hnein an um tah a. Relegation zone ah a hnuoi takah umin. Game 31 ah points 25 char an la hmu a. Season tharah Premier League anthawk an tla thla ngei ringaum tah. Spurs hi game 33 khel tain points 59 an hmu tah a. Pangana ah an um mek.

Inkhel anţana 17mins ah Spurs defender hai thawsuol zârzo in Cattermole chun goal hung thunin 1-0 in hma anţhuoi. Hi zo 28mins ah Adebayor chun Eriksen cross anthawkin goal hung thun vein 1st half ah 1-1 in anin draw.

2nd half anţana, a bul tieng Sunderland an khelţha meta chu goak an thun thei nawh. 59mins ah Kane chun Eriksen pass anthawk bawkin goal hung thun vein 2-1 in hma anthruoi. 78mins a hung tlunga Eriksen chu goal hung thun ve nawkin Sunderland ta dingin beisei a um ta nawh. 86mins ah Adebayor chun a goal 2na hung thun nawkin 90+3mins ah Sigurdsson in an goal 5 na dingin goal khat a hung thun ve nawka. Spurs chun 5-1 laiin Sunderland an hne.

Hi match a hin Eriksen a khelţha nawk hle a. Goal 2 a assist a, goal khat dang a thun bawka. Adebayor khawmin a goal thun thei ala sawm zinga, Spurs innghatna ala ni mek. Sunderland hai hi an defence a chau hle a, hieng zat zat goal anin suok khawm hi defence hai thawsuol a tam hle. Hienga an khel pei chun chu season tharah Premier League ah ei hmu hmel tanaw hle.

No comments:

Post a Comment