1. Zlatan Ibrahimovic
Kum 32 a upa Sweden le PSG stiker, ṭawng nuom ve tak el hin
nikum sung ringawt khan PSG le Sweden ta dingin goal 47 lai a thun a. Martial
ars-style volley le long range a goal mawi tak a thun hai kha innghil ruol a ni
nawh. World Cup a ei zuk hmu naw el ding chu a pawi tak zet!
2. Gareth Bale
Hi Wales mi kum 24 a upa hi nikum lai el khan world record
transfer fee a Real Madrid in Tottenham a inthawkin 100 million euro zet a an inchawk ngat kha a nih. Season hmasa khan
Tottenham ta dingin goal 21 zet league ah a thun a, Brazil a world cup khel
ding rambung hai lai an rambung chite, Wales an kai zo naw leiin a pawi pek
hle. Defender ruol chu lawm tawl hle nawk thung an tih.
3. Robert Lewandowski
Kum 25 mi Poland international le Borussia Dortmund stiker
hi season hmasa a Champions League a khan a nina an lang zuol nasa hle a. Real
Madrid laka goal 4 a thun ṭum lem khan chu Madrid fans hai beidawng taluo
ringawt an kuttin an se tir zak el a ni kha. An rambung Poland an tling zo naw
leiin World Cup a ahmel ei hmu naw ding a nih.
4. Petr Cech
Premier inkhel en hlak phawt chun hi Chelsea goal keeper,
kum 31 a upa hi a hre naw ram sam um naw mei nih. An rambung Czech Republic ta
dingin vawi 100 lai inkhel ta hi a goal nghak thun intak zie chu hre seng ei
tih. An rambung an khel thei ve naw ding leiin stiker ruol chun an lawm hle
dingin ring a um.
5. Christian Eriksen
Kum 20 chau a upa la nisien khawm Danish mi (ei hriet thei
dan awlsam tak chu Lord Bendtner hai rambung ..ka zuk inlek zawk mei mei ) hi
midfield a hnawkhat zo zie chu hmu theiin a um. Denmark hai chu vangduoithlak
takin World Cup a khel phak ve naw leiin ama khawm a ahmel ei hmu naw ding a
nih.
World Cup hi football inkhel mi taphawtin an khel ve nuom em
em le World Cup nomawi chawi hi an nuom pa tak a nih a. A chawi phak hai chu an
sakhming ṭhangthar hai lai chenin lawi ang a lan thang zing hlak bawk.
Amiruokchu thiem em em si, an rambung an kai phak naw lei dam, inhliemna an nei
ve lei dam a khel ve der si lo tam tak an um. Chuhai chun lungawi dan thiem an
inchuk a, an lung an suk aw ihram hram hlak. Mihriem duthusam a famkim vawng
thei nawh a, lungawi dan iengkim a hin ei thiem a ni naw chun, lungril natna
ding hi khawvel a hin a tam em em a nih. Chuleiin iengkim a lungawi dan thiem
inchuk hi a lo ṭha tak a nih.
No comments:
Post a Comment