April ni 2, 2014 zan khan French club vul lai mek Paris St.
Germain chun an khelmuol ah English club a defensive le counter attacking rala ṭha
pawl tak Chelsea hai an inkhelpui a, hi inkhel a hin ṭan a nia inthawk a minute
4 na chau in PSG forward Lavezzi chun goal hmaṭhuoitu a thun nghal a. PSG tieng
hin goal an thun zo hnung hin an nawr dan ki an inpha hnuoi tiel tiel niin an
lang a, Chelsea chun nawr tharin minute 27 naa penalty hmangin Hazard in an
goal bat a thung rul ve hram a. Muolneitu tieng hai hin fans haia inthawk
thlawpna an nei ṭha hle a, game an chalei zo zat naw a chu muolneitu na na na
iemani takin huoisenna an nei a, Chelsea khawm an zam bik chuong nawh. 1st
half chenin 1-1 in an inṭhatṭhe a nih.
2nd half ṭan a nih a, Chelsea hin nasataka nawr
let nghalin, goal thunna hun ṭha an nei teu thei hle. PSG tieng khawma an khat
tawk vietin hung nawr let vein, free-kick an hung hmu ta hlau a, minute 61 naa
chun free-kick PSG in an hmu chu David Luiz ta dinga vangduoina intluntu niin,
an goal ah a pal lut ta hlau a, PSG chun 2-1 in hma an ṭhuoi tah a nih. Mi khelmuol a 2-1 in tlawm hai sienkhawm
rezal ṭha naw taluo a ni nawh ti Chelsea tiengin an hriet a, an defence an suk
khau a, an nawr ve deu zing bawk a, PSG tieng khawmin rezal ṭha lem beiseiin an
inthlak kuol vel a, an thaw fuk ta nghe nghe. Substitue a hung lut Argentine
midfielder Javier Pastore chun hun hapsa a goal pawimaw em em thunin, Chelsea
lungngaina an tlun tah a nih.
PSG 3-1 Chelsea Scorers: (Lavezzi 3' David Luiz(OG) 61' Pastore 90+3 (Hazard PEN, 21') |
Hi inkhelna hin PSG tieng inhliem pahni an um a, an star
player Ibrahimovic le Verrati hai an nih. 2nd leg inkhel nei huna an
ṭhang thei beisei a ni nawh.
PSG hin quarter final an kai theina ding chun Chelsea hai
khelmuol a goal an thun a pawimaw a, 2-0 a an a hrat naw a ni vei chun Chelsea
semi-final an kai lem dei thei a nih.
No comments:
Post a Comment