Friday 4 April 2014

India vs South Africa: ICC World T20 semi-final Thlirlawkna

ICC World T20 inkhel hma khan chu India le South Africa hi group a inthawk suok zo ding a beisei an tam bek nawh.


Amiruokchu game a ni leiin thil mak a tlung naw thei ngai nawh a, India chu Group2 a inthawk point hmu rawn tak niin semi-final an kai a, South Africa khawm Group 1 a inthawk point hmu rawn tak dawt niin semi-final an kai ve bawk. Vawizan a inkhel ding hi dar 6:10 (IST) a ni ding a nih.

Inkhel ding thlirlawkna lo nei zawk ei tih.

Rohit Sharma vs Albie Morkel
Tuta ṭum a tournament sung hin Rohit Sharma chun run 147 a siem tah a, inkhel tina run 49 bek a siem ang tluk a nih. T20 a ding chun a nep naw hle a, a strike rate khawm 119.51 a tling phak ngat a nih. Albie Morkel hi SA ta dingin over tam bek a deng ngai nawh a, chu naw el khel a a ball deng hi a hlap an tak naw leiin Rohit Sharma hin Albie Morkel laka chet ṭhat theina hun ṭha a nei hmel.


Virat Kohli vs Dale Steyn
India batsmen a suong um pawl tak Virat Kohli hin tuta tournament a hin run 170 a siem tah a, India ta ding a tournament sung a run hmu rawn tak a ni nghe nghe. Chulai zing chun khingtieng pang a hin Dale Styn chun tuta tournament sung wicket 9 la tain, South Africa ta ding a bowler khel ṭha pawl tak a nit hung, hi hai pahni intawng ding hi en nuom um nasa hleng a tih.


Yuvraj Singh vs Imran Tahir
Yuvraj Sigh hi tournament sung hin a khel ṭha bek nawh a, anachu tuta khel nuhnung tak khan Australia lak ball 43 a run 60 a hung hmu thei a, a thiemna tak a hung kir nawk ta nia an lang leiin a khel ṭha ve  nawk ngei beisei a ni bawk. Khingtieng pang a South Africa bowler laia wicket la rawn tak, Imram Tahir a lo um ve nawk a, Imran hin tuta tournament sung wicket 11 zet lain SA ta ding a wicket la rawn tak a ni nghe nghe. Inkhel hun a an intawng vei chu hmu nuom um nasa hleng a tih.

MS Dhoni vs Faf du Plessis
Captain vs Captain. South Africa hin World Cup a hrim hrim 20-over am 50-over khawm nisien knock-out stage an la pal thlang ngai nawh a, Dhoni rawi hai ruok chun T20 le ODI World Cup a hai hrattak nina an lo chang v eve ta. India hin hratna hun ṭha an nei thei nawk ngei beisei a nih.

Ashwin vs Hashim Amla
Ashwin hin tuta tournament sung wicket 7 la tain economy rate 4.76 a nei mek a, inkhel nuhnung tak Australia laka khan wicket 4 la in run 11 char a pek a, hi lei hin a khel ṭha nawk ngei beisei a nih a. Khing tieng panga South Africa opener Hashim Amla chun tournament dung run 163 siem tah in, strike rate turu tak el 130.40 zet a nei nghe nghe bawk. Inkhel en chak a um ta chem chem. Hle el..!

Amit Mishra vs AB de Villiers
2014 World T20 sung hin wicket la rawn top 5 hai lai leg spinner pathum an um a, chulai chun Mishra khawm hi a ṭhang sa ve ngat a nih. Ama hi India ta ding a wicket la rawn tak niin wicket 9 zet a lak an tah. Aanachu DSouth Africa in England hne a semi final an kai theina ding a ball 28 chau a run 69 zet hmu thei AB de Villier lak a hin a khel ṭha thei chie di’m chu?

Bhuvneshwar Kumar vs  Quinton de Rock
Kumar hin wicket 3 chau tuta tournament a hin la la sienkhawm a economy rate hi 4.33 chau a ni leiin ama laka batsmen haiin run siem harsa an ti zie chu an lang.  Quinton de Rock vet hung hi chu India lak a run hmu thei em em a ni nawk a, nikum a ODI series India le an nei qum khan a khel ṭha em em leiin inkhel hmu chak a umna a an suk zuol hle a nih.

Lo en ei tih, INDIA vs South Africa,
T20 WC 2014 semi final 2
A hun: Apr 4, 2014 (6:30 p.m. IST)
A hmun: Dhaka



No comments:

Post a Comment