I lo hriet ta hlak am? Part III

 1.  Peter Schmeichel kha Manchester United ( season 9 ) le Manchester City (season 1 ) an khel a, Manchester Derby a khel ahai hratna a chang vawng.

2.       Penalty hi goal zawn kher a ngai nawh a, mi dang pass thei a ni, ana chu mi dang pass ding chun ball kha hmatieng an sawn kher a ngai a nih.

3.       Liverpool le West Ham hai premier league a an khel nuhnung vawi thum ahai khan own goal vawi thum a um.

4.       World Soccer Megazine haiin khawvel pumhuop a team ṭha tak an thlangna a Brazil National team kum 1970 lai a mi kha an thlang ngat a nih. Clun ṭha tak an thlangna a chun AC Milan hai season 1989/1990 hun lai a kha an thlang bawk.

5.       World Soccer Megazine bawkin goal mawitak an thlangna a chun pakhatna ah Maradona  in kum 1986 kum a England laka a thun kha an thlang a, pahnina a Marco Van Basten in Russia lakah kum 1988 a a thun an thlang a, pathumna a Zinedine Zidane in Bayern Leverkusen lak a kum 2002 a thun an thlang bawk.

6.       Ballon dÓr dawng thei inkhel mi 43 hai lai a mi 11 chau in World cup nomawi an dawm. World Cup nomawi dawng thei hai chu Bobby Charlton (1966), Gerd Muller (1974), Franz Beckenbauer (1974), Paolo Rossi (1982), Lothar Matthaus (1990), Zinedine Zidane (1998), Rivaldo (2002), Ronaldo (1994, 2002), Ronaldinho (2002), Fabio Cannavaro (2006), le Kaka (2002).

7.       Ernest Mangnall hi manager a chu Manchester club pahni  Manchester United (1903-1912) le Manchester City (1912-2004)  hai enkawl ve ve thei um sun a nih.

8.       Champions league season 10 (2004/05- 2013/14) sung hin Chelsea le Barcelona chu Champions League semi-final vawi 7 ve ve an kai thei, an ni hnai tak chu Manchester United, Real Madrid le Bayern Munchen hai niin, an ni h, semi-finali vawi 4 an kai thei ve bawk.

9.       Champions League knock out stage a goal 2 annaw le goal hni neka tama 1^st leg an hrat naw hnunga 2^nd leg a hung letbun thei umsun chu English Club pahni Chelsea (2012, 2014) le Manchester United (2014) le Spanish Club pakhat Barcelona (2013) hai chau an la nih.

10. Arsenal hin tuta season top 5 team hai lakah away game 4 a goal 20 zet an insuo tah.