Sunday 6 April 2014

I lo hriet ta hlak am? Part II





1.       Shinji Kagawa hin a khelna club hai chu Bayern Munich laka a la tlawmpui ngai der nawh, vawi 5 an khelpuinaa vawi 4 hratin vawikhat  an draw a nih.
2.       Rinus Michels, Dutch footballer hlui le coach lo ni hlak chu football tactic pakhat “Total Football” hmusuoktu a nih. Ama hi kum 1999 khan COACH OF THE CENTURY a puong a ni bawk.
3.       Barcelona hai chu transfer windows vawihni sungin player lak lut thei lo dingin an khap pek, anni hin transfer rule an bawisiet lei a nih.
4.       Cristiano Ronaldo hi Champions League match vawi 8 lai zet a zawna goal thun thei umsun a nih.
5.       Bayern Munich haiin Champions League Final / Europa League final haia vawi 5 an hrat nawnaa vawi 3 hai chu English Club lak a a nih. (Aston Villa, Manchester United, Chelsea)
6.       Aston Villa in Bayern laka CL final a hratna an chang hun 1981/82 season khan Premier League a chu a sawm pakhatna an nih. Chelsea khawm 2011/12 season a final a Bayern an hne ṭum khan Premier League a chu a 6-na an ni ve bawk.
7.       Real Madrid keeper Iker Casillas hin an hmelma kum hlun Atletico Madrid hai vawi 24 lai an khelpui tahai a ala tlawm ngai der nawh.
8.       Fifa rule dungzui chun mani goal sek a indirect free kick a goal ei thun pal chun, ei khingpui haiin corner an hmu lem zei ding a nih.
9.       Steaua Bucaresti le Sparta Praha hai hi  Europe khawmuolpui a domestic league a la tlawm lo umsun an nih.
10.   Liverpool defender Daniel Agger hi tattoo chuk a thiem em em a, Liverpool in tuta season Premier League
an lak a ni vei chun a hrietzingna dingin a teammate hai panga tattoo mawi taka a design chuk pek seng a tih.

No comments:

Post a Comment