Kum 24 a upa Welsh mi, euro 100 million lai zet a Tottenham
a inthawk a Real Madrid in an inchawk Gareth Bale hin tuta season Real Madrid
ta dingin vawi 28 inkhel a goal 19 a thun a, assist vawi 15 lai a nei ta nghe
nghe bawk. Amiruokchu an hmelma kumhlun Barcelona lak a hratna a la chang naw
chau ni loin, a khel ṭaht hril ding a la um meu nawh. Barcelona le inkhel a hin
an khelmuol le khuolmuol a a tlawm hratna a chang zo naw ve ve a, vawizan dar 1:00 a.m.
Copa Del Rey Final inkhel ding a hin boruok a danglam zo ta di’m ti chu mi
tamtakin nghakhla tak a an thlir zing chu a nih.
Real Madrid hai suong vawrtawp C.Ronaldo hlak a khup natna
leiin vawizan an khel thei naw ding a nih a, hi lei hin Gareth Bale chu Real
hai an inghatna pakhat a hung ni nawk ngei ding a nih. Tuta season Real Madrid
le Barcelona hai hi La Liga a chu vawihni an intawng tah a, Camp Nou a Barca in
2-1 in hratna an chang a, Santiago Barnebeu hmun a Barca bawkin 4-3 in hratna
an chang nawk a, Real Madrid fans hai vawizan hin Gareth Bale hin a suk lungawi
zo tak tak di’m hang en ei tiu aw le?
No comments:
Post a Comment