Belgium le Aston Villa striker Christian Benteke chu thla
sung bek bek a chawl a ngai hmel a, Achilles tendon injury a nei lei a nih.
Villa haiin official takin kum 23 a upa Benteke an hliem thu hi an puong. Manchester
United le an inkhel ṭum a inhliem a nih.
Benteke hin tuta season fe lai mek a Aston Villa ta dingin
goal 11 zet a thun tah a nih. Villa Manager Paul Lambert in a hril dan chun,
Benteke hi tuta season sung po le World Cup a chen khawm ei hmu hmel ta nawh.
World Cup a Belgium hai ta ding a an khel ve thei naw el ding chu a ta ding
khawm a lungril nat um hleng a tih. Ama Belgium ta ding a player pawimaw ve em
em a nih a, Lukaku le Hazard le an inthlawp lai tuta ṭuma Wolrd Cup na chu ei
hmu naw ding a nih.
Belgium ta ding a a khelpui Man City Captain Vincent Kompny
khawmin dam dinga a ditsakna thu twitter hmangin a tarlang ve bawk.
No comments:
Post a Comment