India ram football Wold Cup a ei ṭhang thei danding a hmalakna le inzawm peiin, All India Football Federation (AIFF) le All Manipur Football Association (AMFA) thangruolin, Grass Root level a football khel thiem hai zawngsuok le inchuktirtu ding ‘Çoach’ an zawngnaah ei tlangval pahni zet, Jeffrey SaihmangS/o JS Thansang, Rengkai le Gulith HrilerS/o Ringai Hriler, Rengkai hai an thlangsuok a, GR Coach License an inhlan.
Hi thlangsuokna hi Football Federation of Australia (FFA) haiin hung sponsorin an Coach ngei khawm an hung tir a nih. Ei lawmpui emem. Anni zar hin tuta inthawk kum sawtnawte hnung a chu National football player ei hung nei deu nuk pha ta ring a um.
Ei hriet angin kum 2017 FIFA World Cup (U-17) hi India in a host ding a ni a. Hi tournament hi India ram sunga football tournament um ta lai popo a chu a ropui tak ding a la nih. (the biggest ever football tournament in Indian soil). Ei Coach thar pahni haiin hma hung la pei an ta, ei vangnei thut chun World Cup player chen khawm ei nei pha el thei a nih.
No comments:
Post a Comment