Manchester City midfielder Yaya Toure chun Africa mi ani leiin khawvela Footballer ropui pawl taka ngai ani ve naw thu a hril.
Ivory Coast international player hin England, Spain le Greece League ah hai a Club chu a lo Champion pui tah a. Barcelona chu Champions League ah a champion pui tah bawk. Tuhin PFA Player of the Year short list ah a um mek bawk.
Tukum March thla a League Cup an lakzo hlim khan a teammates Nasri chun Yaya hi African player ni naw sien chu khawvela midfielder ṭhataka ngai ani ding thu a lo hril ta bawk.
BBC’s Football Focus in an interview na ah Yaya chun " Nasri thil hril kha andik hle ni'n ka hriet. Diktak chun Hriet ei hlaw na chu fans anthawk a nih."
"Africa ram khawlai hmunah khawm fe inla Messi chu hrievawng an tih. Ana chu Europe ah chu mi'n tum ani Yaya Toure chu? Ting an tih. A ṭhen chun ka hming hrieng ka hmel ruok chu hrie naw ni hai. Messi chu khawlai hmuna khawm hrie vawng an tih."
"African ka ni hi ka uongpui takzeta. Africa mipui hai hi sanhima khawvel hrietah Europe le South America hai ang thoin African Players hai khawm hi an ṭha ani ti hi ka pholang nuom a nih." tiin a hril.
Yaya Toure hi African Player ani lei hin enhranna a tuok niin i hriet am?
Hmartoday Sports hi Hmar ţawng hmang haiin ei ţawng ngeia khawvel infiemna chanchin ei hriettheina dinga buotsai ania. A bikin football tieng thlur bik deu ning ata. Sports item dang hai khawm post zing tho ning a tih. Chun eini mi Sports tienga hlawtling ta hai le hma eng nei ţha hai chanchin khawm suklang ning a ta. Ei hnamin sports tienga hma ei sawn nawk zuol theina dingin theitawpa media tienga hmalak hi kan thiltum tak laia pawimawtak pakhat a nih. Twitter@ twitter.com/HmartodaySports
No comments:
Post a Comment