Tuesday 29 April 2014

Real Madrid chun Bayern Munich hnein Champions League final anin hlangkai

Real Madrid chun Sergio Ramos le Ronaldo hai goal thun hmangin Champion lai Bayern Munich chu 4-0 (Aggregate 5-0) a hnein kum 2002 hnungah a vawikhatna dingin ropuitakin Champions League FINAL anin hlangkai. Real Madrid hi vawizana inkhel ding Chelsea le Atletico Madrid hai a hratlem lem leh thla tharah Lisbon ah final khel an tih.

Ei hriet angin tulai football khawvelah chu Bayern Munich hi team ṭha pawltaka ngai an nia. Season hmasak khan semi final ah Barcelona chu 7-0 laiin an hne a. Sienkhawm vawizan chu khang ang deua hnein an um ve ta a nih.

Hi inkhela hin Real thiempuipa Ronaldo chun tuta tournament fe mekah a goal 16 thunin Champions League ah season khata goal thun rawntak a siema. Messi record siem season khatah (14 goals) chu a khûm tah.

1st leg a khan Real Madrid hin Bayern hi 1-0 in an lo hne tah a. Hi lei hin beiseina insangtak leh Munich khawpui Allianz Arena an pana. An beisei phak baka insang result hlawsuokin ropuitakin final anin hlangkai. 

Inkhel anṭan a, Neuer chu Gareth Bale a khilai ṭep nghal. Neuer a ball clear chu Bale hmaah a tla a, Bale hin goal ah shot nghalin a over hlau. Real goal thunna dingin hun a lak sawtnawh. Hi zo sawtnawte hnung 16mins na ah Modric corner pet anthawkin vengtu neilo a um Ramos chun a head goal a Real chun hma anṭhuoi nghal. Minute 4 hnungah Di Maria cross chu Pepe'n inhmawtakin Ramos a pek phei a, ama hin dive malam in a head goal a 2-0 in Real chun hma anṭhuoi. Bayern chun hung nawr vein ana chu iengtak an law thei nawh. 1st half ah hin ball possession hau lem hai sienkhawm chance an neinaw hle a. An attacking in umzie a nei thei meu nawh.

32mins ah Ronaldo chun Bale pass anthawk awlsam takin goal thun nawkin 1st half ah 3-0 in hma anṭhuoia, aggregate leh 4-0 in hma anṭhuoi. Bayern ta ding chun beisei an sang ta naw hle. 38mins ah Alonso chu Bastian Schweinsteiger lakah a foul leiin yellow card pek ani a, final ah a khel thei naw ding a nih. Hi hi inkhel sung po po a Real Madrid ta dinga chanchin ṭhanaw pawltak chu a nih.

2nd half hi ringlawk ang ngeiin 1st half angin hmunuom a um ta nawh a. Bayern hai khel dana an lung a hnuol deu tah niin an lang. Robben le Riberry haiin half chance anei an hmang ṭangkai thei nawa. Gotze khawmin chance ṭha a thel bawk. Hun tawptawm 89mins ah Ronaldo chun Bayern phurrik hung siem sain Champions League ah a goal 16 na dingin freekick anthawkin goal a thuna 4-0 in Real Madrid in hnena an chang.

Final ah Real Madrid vs Chelsea am Real vs Atletico Madrid i hmunuom lem?

Sunday 27 April 2014

PFA Award sem zo a nih.



England a Professional Footballers’ Association lawman  semna a um a, 2013/14 season a che ṭha zuol player ṭha thlang dawkin an um bawk. Hi lawman semna a hin Liverpool striker kum 27 a upa Luis Suarez chun PFA Player of the Year a dawng a, ama hi Europe mi ni lo a hi award dawng hmasataktu a ni a, tuta season Liverpool ta dingin premier league a goal 30 a thun ta a nih.

 PFA Young Player of the year chu Chelsea winger Eden Hazard in a dawng ve thung. Kum 23 a upa Hazard hin Chelsea ta dingin tuta season goal 14 a thun ve bawk. A ma bo chun Chelsea in attacking game puitling tak tak an hmang ngam ngai rak naw leiin, Hazard ṭhatzie le pawimaw zie chu an lang rawng el.

PFA Team of The Year a hin kum 1990 hnung a Manchester United player an inlang der naw phutna a nih.
PFA player of the year
1) Luis Suárez
2) Eden Hazard
3) Yaya Touré
PFA Young Player of the Year
1) Eden Hazard
2) Daniel Sturridge
3) Luke Shaw

PFA Team of the Year:


Gk: Cech (Chelsea);
Defenders:-Shaw (Southampton), Cahill (Chelsea), Kompany (Man City), Coleman (Everton);
Midfielders:- Touré (Man City), Gerrard (Liverpool), Hazard (Chelsea), Lallana (Southampton);
Forwards:- Suárez (Liverpool), Sturridge

Wednesday 23 April 2014

Chelsea trio an hremna an tuok ding




 England ram a football inkhelna enthli tlaitu le relbawltu Football Association chun Chelsea trio Jose Mourinho, asst.manager Rui Faria le midfielder Ramires hai chun hremna an pek ding sukchiengin a um tah.

Jose Mourinho hin Sunderland 2-1 laia an hne naw ṭum a inkhel zo press hai hmaa Referee Mike Dean an pak der /elselna over taluo bek bek lei a hrem ding a nih. “Mike Dean kha ka lawmpui bek bek, ṭha taluo le ropui taluo ringawt a referee sin hnesaw em em a athaw lei khan”ti a ṭawngkam eltamna inhre ngawi a hmang rek leiin hrem a ni ding a nih.

Chelsea in Sunderland hnenaw ṭum, hun tawp tawm a Sunderland in penalty an hmu khan Referee Mike Dean laka khan asst.manager  Rui Faria khawmin ṭawng zamaw a hmang leiin FA hai ni lo Chelsea staff haiin an hrem ve thung ding a nih.

Chelsea midfielder Ramires ruok hi chu Sabastian Larsson a hmaia a sir leiin Red Card a hmu a, kha le inzawm khan match 4 hrem ding a ni mek a, ningani zantieng  dar 6 hma  chen hi hremna pumpel dingin ngenna hun a la nei.

Januzaj in Belgium a thlang





Manchester United winger Adnan Januzaj chun international football a Belgium rambung aiaw a pet chu a thlang niin Belgium national coach Marc Wilmots chun a hril. Januzaj hin Belgium ti lo a Albania, Serbia le Turkey aiaw in Internationla Football a khel thei a, England a citizenship an pek chun England ta ding khawmin khel ding angin inhma met kha thuthang a lo um ve zau bawk.
Kum 19 a upa Januzaj hi United ta dingin vawi 32 an khelna a goal 4 a thun a, winger pawimaw tak pakhat a ni ve. Wilmots chun a official twitter a/c hmangin Januzaj in Belgium ta ding a khel a thlang tak thu chu mipui hrietin a puonglang tah a nih.

World Cup um ding a hin Belgium hai chu Algeria, Russia le Korea Republic (South Korea) hai le group khata an um khawm a, B Paul Scholes in Ryan Giggs a ṭhangpui dingelgium player hai an ṭhat tlang lai tak, golden generation ti thei hiel khawp an ni mek lai a ni leiin hla tak an phak chu ring a um hle a  nih.

Paul Scholes in Ryan Giggs a ṭhangpui ding





Manchehster United interim manager Ryan Giggs chun kum tamtak Manchester United a alo khelpui hlak Paul Scholes ngei chu ama ṭhangpuitu dingin a fiel a, Giggs hin nilaini khan Unitd hai training a lo neipui tah. United a khel hlui Nicky Butt le Phil Neville hai khawm Carrington training ground a hin an hmel a hung inlangtir ve nghe nghe a nih.

Thawlenni khan Manchester United chunk um 1986 hnung a manager an ban nawk hmasatakna dingin David Moyes an lo ban tah a, inrinni zan Old Trafford a United le Norwich City inkhel ding a hin Ryan Giggs in United enkawl ṭan a tih. Niky Butt hin United U-19 hai a enkawl mek a, Scholes hin European campaign an neinaa a ṭhangpui zing bawk. Gary Neville nawk thung chu Unitd first team staff ah a la ṭhang zing bawk. Ryan Giggs hin Ferguson hnuoi a sawttak a lo inchuk kha hung hmangṭangkai pui thei a ti’m ti chu mitinin an thlir khup zing a nih.

Manchester United hai hi Premier League a pasarina an ni mek a, Table chung taka um Liverpool le point 23 laiin an inthlau mek a nih.

I LO HRIET TA HLAK AM- IV




1.Bayern Munich hin Champions League a Santiago Bernabeu ah an game nuhnung 5 hai chu an la hrat naw vawng, kum 2010 final a Inter Milan lak a an tlawm kha tiemsa in.

2.Carlo Ancelotti in Champios League Milan coach a ni laia an lak vawihni ahai khan, Champions League nomawi a dawm theina ding lampui a Bayern Munich a hne ban ve ve.

3.Real Madrid hin an khelmuol a CL Match vawi 17 an khel nuhnung ahai khan vawi 15 hratin vawi 2 an draw, an tlawm naw sawt veng veng ta hle.

4. Chelsea hai hi Spanish club lak a CL  a hin vawi 15 lai an lo tlawm ta nawh, vawi 6 hratna changing vawi  9 an inhnetawkpui.

5. Zani lai el khan twitter a David Moyes hming  vawi 1.6 million lai zet tweet dawkin a um, #SaveMoyes ti le #bringbackMoyes ti a tam tak.

6.Champions League history a dingin a vawikhatna’n semi-final 1st leg chu khawpui pakhat a khelin a um. Madrid khawpui a semi-final 1st leg hi khel ve ve a nih.

7.Kum 1986 hnung a Manchester United in manager an ban nawk hmasatak chu David Moyes a nih.

8.Tuta ṭum a Champions League semi-final khel club hai lai hin Atletico Madrid chau hi CL nomawi la dawm lo an nih. Kum 1974 kum khan final an kai a, kha ṭum khan Bayern Munich lak a an lo hrat naw a nih.

9.Jose Mourinho hi manager hai lai chu Champions League semi-final a team hai kaipui ngun tak a nih a, vawi 8 lai a kaipui thei, a dawttu chu Sir Alex Ferguson niin vawi 7 a kaipui thei ve bawk.

10.2004/05 season kha AS Monaco hai hi Champions League an inlawng tawpna a nih a, season nawk 2014/15 season hin an hmel hmu thei nawk tang ei tih.

11. Benfica chun Olhanense 2-0 in ni 20, thla 4 kum 2014 khan Portuguese Premiera Liga title chu vawi 33 an lakna ni dingin nomawi an lo dawm nawk tah.

12.Liverpool khawpui a club pahni Everton le Liverpool haiin a vawikhatna dingin season khat a Man Utd an intumpui vawihni ve ve ahai hratna an chang vawng ve ve.

13.Manchester United in an game nuhnung 51 ahai khan starting XI pangngai char vawikhat khawm an hmang der nawh.

14.Kum 19 hnunga a vawikhatna dingin Man Utd chu Champions League ah an hmel ei hmu tan aw ding a nih.

15.Arsenal le Poland goalkeeper ni ve ve Wojciech Szczesny le Lukasz Fabianski hai hi Birthday inang char, rambung inang, club inang le khelna position (Goalkeeper) inang char an nih, MAK VE TAK CHU A NIH!